Íslenska til alls – nästan

Det lingivistiska landskapet i ett litet isländskt köpcentrum

Útdráttur

Þessi grein kynnir rannsókn á málfarslandslagi í opinberu verslunarrými: verslunarmiðstöðinni Sunnuhlíð á Akureyri. Þetta landslag er jaðarsett á ýmsan hátt, meðal annars þar sem það er staðsett utan miðbæjarins á Akureyri og fjarri þéttbýlinu á suðvesturhluta Íslands. Efniviðurinn samanstendur af ljósmyndum af skiltum í verslunarmiðstöðinni. Við skoðum hvernig mál og staðsetning eru sýnileg í málfarslandslaginu með því að greina hvaða tungumál koma fyrir, hvaða hlutverki skiltin og mismunandi tungumál á þeim gegna og í framhaldi af því hvaða tilfinningu fyrir staðnum (e. sense of place) þessi tungumálanotkun á skiltunum skapar. Við nálgumst efniviðinn að mestu leyti með eigindlegri umræðu um dæmigerð skilti, en setjum einnig fram megindlegar athuganir á málfarslandslaginu almennt. Greining okkar sýnir að langflest skiltin eru eingöngu á íslensku. Þar á eftir er enska það tungumál
sem kemur næst oftast fyrir. Niðurstöðurnar sýna að skiltin í verslunarmiðstöðinni eru ætluð heimamönnum, sem eru taldir skilja íslensku. Önnur tungumál gegna sértækari hlutverkum. Við ræðum niðurstöðurnar í samhengi við fjöltyngi á Íslandi og stöðu ólíkra tungumála í íslensku samfélagi.