Með hjartað í lúkunum eða buxunum
Um myndhvörf í spænskum og íslenskum orðasamböndum
hugræn fræði, samanburðarrannsókn, spænsk og íslensk orðasambönd
Útdráttur
Hér er fjallað um rannsókn sem fólst í samanburði á orðasamböndum í íslensku og spænsku. Til grundvallar rannsókninni lágu kenningar ýmissa fræðimanna í hugrænum fræðum, einkum hugrænni merkingarfræði. Aðallega var stuðst við tillögur tveggja spænskra fræðimanna, Pamies og Iñesta (2000, 2001, 2002), sem hafa smíðað líkan til að flokka orðasambönd í ólíkum málum, m.a. með það fyrir augum að fá úr því skorið hvort þau séu algild eða ekki. Í greininni eru reifaðar niðurstöður af samanburði orðasambanda á sviði hræðslu, hungurs og ofáts.
